«Australia»
Bild/Illu/Video: zVg.

«Australia»

Es isch scho komisch dia Ziit, wo kai Stai ufem andera bliibt.

Und Corona sei Dank gaht diar kai Kleid meh us dim Schrank.
Niamert weiss wia’s wiitergaht, will immer was anders ir Ziitig staht.

Ma hed fascht z Gfühl, d Politiker wüssend selber nid viil.
Du bisch vorher scho allai gsi, dia Jahr gönnd so schnell verbi.
Ohni Liabi ima Loch, also stimmt es vilicht doch?
Dass das alles für nüt isch und du am Schluss gliich allai bisch?

Unter da Lüt heschs überspielt, hesch di glich schlecht gfühlt.
Hesch dr nüt amerka lah. Es kann di eh niamert verstah.  
Du luagsch dur da Fernseh dura und alles tuad nur no weh.


Du schlahsch dr dini Händ ins Gsicht.
Frogsch di, was söll dia Gschicht.

Und obs nid gschiider wär, eifach z verschwinda.


Du suachsch noch biz Zuaversicht.
Doch es isch kai Land in Sicht.
Kann das si, dass di öpert am Glück will hindra?


Nimm z Läba nid so schwär. Dia Wält isch nur a Katz, wo mit Australia spielt.
Es git für alli irgendwär, wo eim hebt und luagt, dass alles stimmt.
Alles kunnd guat, wenn du d Hoffnig nia verlüürsch.
Alles kunnd guat und i glauba, dass du’s scho gspührsch.


Es isch scho a schwierigi Ziit, dini Frau verstaht das nid.
Geschter Morga isch si drvo und hed dr Hund no mitgnoh.
Si heg kai Bock meh uf Spiel und hegi etz anderi Ziil.
Müassisch si nid heba, si welli ohni di leba.
Ihra isch dr Kragga platzt, si hed dr dini Platta verkratzt.
Wär hetti denn denkt, dass es ihra so schnell ushenkt?
Si heds nid grafft, du hesch doch so viil gschafft.

Öper muasses ja macha, für eu a Zuakunft schaffa.

Etz stahsch biz ufem Schluuch, dis Spiagelbild lacht di us.

Du hesch dra z knagga, es zücht di grausam aba.


Du schlahsch dr dini Händ ins Gsicht.
Frogsch «Sind iar alli no ganz dicht?»

Und obs nid gschiider wär, eifach z verschwinda?


Isch das dr Verlauf vo dera Gschicht?
Wieder isch nur Einsamkeit in Sicht.
Kann das si, dass di öpert am Glück will hindra?


Nimm z Läba nid so schwär. Dia Wält isch nur a Katz, wo mit Australia spielt.
Es git für alli irgendwär, wo eim hebt und luagt, dass alles stimmt.
Alles kunnd guat, wenn du d Hoffnig nia verlüürsch.
Alles kunnd guat und i glauba, dass du’s scho gspührsch.

Themenverwandte Artikel

«Schwimmer»
Bild/Illu/Video: Christian Imhof

«Schwimmer»

Mit Kreativitätsschub aus der Pandemie
Bild/Illu/Video: Beni Garrido

Mit Kreativitätsschub aus der Pandemie

«Wunderschön»
Bild/Illu/Video: Sandra Peters

«Wunderschön»

Empfohlene Artikel