5 Kino Chur 13 Kino Chur 5 CDC
«Energie»
Bild/Illu/Video: Sandra Peters

«Energie»

Si frogend mi, wia i das schaffa und wenn i miar a Pausa gönn.

Zwüscha mim Magazin, dr Musig und em Erfülla vo allna Tröim.

Weisch wär raschtet, dä roschtet und solangs nid z viil koschtet,

bin i dä wo sich selber verwürklicht und sich kai Statussymbol poschtet.

Wenni i öpis apacka, machis sicher mit viil Herzbluat.

Alles andera wär für d Füx und kämi nid so guat.

I kann jewills beruhigt ischlofa, wil i nutza jeda Tag.

Villicht isch nid immer alles perfekt. Gar kai Frog.

Si begriffends scho, bi miar isch viil Liabi im Spiel.

Viil gits grad a schwarzi Null. Riich werda isch nid mid Ziil.

Doch wenn si mini Liader singend, schlüsst sich dr Kreis.

Alles macht Sinn und es bestätigt sich, was i scho lang weiss.

Z Positiva kunnd zrugg grad wia es Echo.

Doch du muasch geh könna, wetsch neh, sowieso.

Denk jeda Tag dra. Z letschta Hemmli hed kai Säck.

Mach was us diar, wennd wetsch, dass ma sich erinneret.


I züch das dura, reis an Ort wo i nonia bin gsi.

Denn i weiss, es wird villicht nid immer so si.

Wenns tumm gaht, isch mora alles scho verbi.

Also stahni jeda Tag uf und nutza dia Energie.

Themenverwandte Artikel

«Schwimmer»
Bild/Illu/Video: Christian Imhof

«Schwimmer»

«Wunderschön»
Bild/Illu/Video: Sandra Peters

«Wunderschön»

Empfohlene Artikel