5 Kino Chur 13 Kino Chur 5 CDC
«Kai Planet B»
Bild/Illu/Video: Sandra Peters

«Kai Planet B»

I bliib hüt eifach dahei und i bstell mr nüt.

wil es macht mi nüma glücklich, das ganza Züg.
Dä Konsum hanget miar zu da Ohra us.
Dia ganza Werbefratza und i han gruusig dr Blues.

Si schickend mer witzigi Bilder, doch hüt magi nid lacha.
Wil jedi Sekunda wo i still sitza, passierend düschteri Sacha.
Wenig fühlt sich richtig ah, wenni nüt unternimma.
Doch mini Stimm wird so liislig unter Milliona Stimma.  


Viil weiss i nid, i han nid mal studiert.

Doch i stahn zu mina Wärt, egal was passiert.

I verschlüssa d’Auga nid, während dia Wält vor d Hünd gaht.
Bin i dr einzig wahnsinnig, dr einzig wo verstaht?


Es git nu ei blaui Kugla – vergiss das nia.
Es git kai Plan B, woma no könnti füra ziah.
Drum lahn üs öpis ändera und sig nu in kliina Schritt.
Es isch nämli scho lang allerhöchschti Ziit!


Am meischta sparsch, wennd gar nüt kaufsch.
Am beschta fahrsch, wennd uf dis Buuchgfühl vertrausch.
Am gschiidschta legsch dis Smartphone grad wäg,
wenn dis Kind Ziit mit diar verbringa wett.
Am meischta Entspannig findsch ar frischa Luft.
Also kämpf derfür, bevor s di ganz Kugla lupft.

Lahn diar nid ireda, dass dia Problem alli erfunda sind.
Es verstaht doch jedes Kind, wia bedrohlich real si inzwüscha sind.

Viil weiss i nid, i han nid mal studiert.

Doch i stahn zu mina Wärt, egal was passiert.

I verschlüssa d’Auga nid, wenn si dia Wält lönnd untergah.
Miar hend nu ei Planet zur Verfüagig, kasch das verstah?

Themenverwandte Artikel

«Zwei Siita»
Bild/Illu/Video: Sandra Peters

«Zwei Siita»

«Tekles Entscheidung»
Bild/Illu/Video: Christian Imhof

«Tekles Entscheidung»

Empfohlene Artikel