«Liicht»
Bild/Illu/Video: Sandra Peters

«Liicht»

Du hocksch dahai und frogsch di, was das alles no bringt.

Dr Gedanka ans Ufgeh kreist wia en Geier über dim Grind.

D Absaga stappelnd sich, zum Gspröch ladet di niamert ih.
Du weisch mit diar und dinera Ziit afa nüma wohi.
Du hesch alles ufa Karta gsetzt, doch es hed nüt gnützt.

Es isch a kalti Wält döt usa und du hesch niamert wo di bschützt.

Wia a Schiff im Sand, fühlsch du di momentan verlora.

Doch glaub miar, in so Situationa werdend Helda gebora.


Z Läba isch z kurz zum uf da Tod warta.
Z Glas isch halb voll und es isch Ziit zum Durastarta.  


Ma hed’s nid liicht, aber liicht hed’s eim.
Also gnüss jedi Sekunda und erstick dr Zwiifel im Keim.

So schnell isch’s passiert und du hesch zum Nohhola kai Ziit.
Also luag, dass vo diar meh als a Erinnerig übrigbliibt.


Scho biz so: Praktisch nu Tubbla uf dera Kugla.
Doch villicht kasch au du bald mal wieder jubla,
wenn du diar en Traum erfüllsch und dia Ketta sprengsch.

Wenn du di wertvoll fühlsch, ischs besser als du denksch.

Wenn di das alles nur bedrückt, wieso wettsch es so belah?
Es isch allerhöchschti Ziit für di selber izstah.
Also hör endlich uf, di immer wieder selber z betrüüga.
Lahn si alli hinter diar und bring dini Ideea zum Flüüga.

Themenverwandte Artikel

«Schwimmer»
Bild/Illu/Video: Christian Imhof

«Schwimmer»

«Australia»
Bild/Illu/Video: zVg.

«Australia»

Empfohlene Artikel