5 CDC 5 Kino Apollo
«Melancholia»
Bild/Illu/Video: Sandra Peters

«Melancholia»

Woni’s erfahra ha, heds mis Härz zerfätzt.

Nia denkt, dass das mi so verletzt.
D Tür gaht. Z Telefon lütet. Doch du bisch es nid.

Si wüssend nid, wases miar bedütet. - kiagends au nid mit.
Dia Maska in minem Gsicht. I spiel dr harti Maa.
z Schlimma a dera Gschicht, dass ma Gfühl nid zeiga ka.  
Etz hed’s mi verwütscht. Wia a Fuscht in Maga.  
Au wenns unpassend isch, miar gaht dr Lada grad aba.

Z einziga was i will, isch di a letschts Mal bi miar z gspühra.
Doch i fühla wiani nid nu di, sondern au no mi verlüra.


Säg mr nid, es kunnd alles guat. Ab und zua fühli mi wia in Ketta.
Säg mr nid, es kunnd alles guat. Nu a Ziitmaschina kann mi retta.

D Ziit lauft wiiter. D Sunna gaht au wieder uf.
I bliib für immer verbittert, i kumma nüma drus.  


Jeda schöni Moment, hed öpis truurigs an sich, sit du wäg bisch.
Wil so richtig gnüssa kanni nid, dia Narba isch no z frisch... sit du wäg bisch.

Mini Wält isch nüma farbig und alles isch irgendwia z luut, sit du wäg bisch.

Sogar wenni tröima vo diar, schliicht d Melancholie unter mini Huut, sit du wäg bisch.


I gsehn dis Gsicht vor miar wenni d Auga schlüss.
Das isch dr Grund, wieso i mi immer meh verschlüss.
Dr Wunsch bliibt am Läba, diar no eimal z begegna.

Es isch a unfairs Spiel, ohni Sinn und Regla.

Hättis gahnt, hätti dia Ziit meh gnossa.
Es hört nid uf, sind au tuusig Träna gflossa.
Irgendwenn luagi zrugg und kann dankbar si.  
Für dini Zuaneigig und z eifacha Zämasi.
Doch im Moment liid’s miar so schwär uf minem Maga.

Du fählsch miar und es zücht mi immer meh aba.  

Themenverwandte Artikel

«Schwimmer»
Bild/Illu/Video: Christian Imhof

«Schwimmer»

«Wunderschön»
Bild/Illu/Video: Sandra Peters

«Wunderschön»

Empfohlene Artikel