«Sternastaub»
Bild/Illu/Video: Sandra Peters

«Sternastaub»

So lang hani gwartet, etz isch dr grossi Tag ko.
I bin scho kli nervös, zerscht Mal vor diar z stoh.
Du weisch es vilicht nid, aber i bewundera di scho lang.

I han all dini CDs und sogar Poster vo diar ar Wand.
Du hesch miar gholfa dur so mängi schwiirigi Ziit.
Hesch mi tröschtet und gluagt, dasses kai Zwiifel meh git.
I weiss, du körsch, dass jeda Tag, aber du bisch eifach dr Bescht.
Du hesch dis Ding durazoga und nid gluagt uf da Rescht.
Trotz em Erfolg hesch dini Wurzla nia vergässa.
I fühls in mim Härz, miar hend di gliicha Interessa.  
Du bisch für mi es Vorbild, bausch mi immer wieder uf.

Bringsch du neus Züg an Start, raschti grad us.

Es kann uf dera Welt nu ei gröschta Fan geh.
I hoffa, du weisch, niamert liabt di meh.
I bin Fan sit dr erschta Stund und nid nu vo dinem Hit.
Also wärs echt dr Wahnsinn, wenn vo dem Träffa, a Kribbel übrigbliibt.


Schenk miar nu en klina Teil vo diar.
I han mrs solang gwünscht, es persönlichs Souvenir.
Autogramm sind us Sternastaub und voller Magie.
Drum unterschrieb bitte kurz, es wär z gröschta für mi.


Scho komisch dah im Zug sit dera Maskapflicht.
Und de dä komisch Kauz, mitem Grinsa im Gsicht.
Seit i heg ihn so berüahrt und er sig min gröschta Fan.
Redet irgendwas drvo, dass er min Sound ewig kenn.
I bin grad kli irritiert und denka miar unterdessa,

ischs etz a Wucha oder zwei, wo i zletscht im Mc han gässa.
Er zückt a Stift, ob i ihm a Autogramm könn geh.
I säga okey, setza min Kribbel, oh yeah.

Wetsch au no a Foti, alles kai Problem.
Wär weiss scho, wenn miar üs z nögscht mal gsehn.
Klick, klick für eimal d Distanz usser Acht

isch das Handy zückt und das Foti gmacht.
Zfrieda sinki dahai ins Gutschi, bis z Telefon lütet.
I luag ufs Display, was das wohl bedütet...
A Whatsapp vom Kolleg mitem Kommentar: I verreck.
Das Bild vo miar und dr Titel: I’ve just met Jack Black.  

Themenverwandte Artikel

«Schwimmer»
Bild/Illu/Video: Christian Imhof

«Schwimmer»

«Australia»
Bild/Illu/Video: zVg.

«Australia»

Q&W: Keine Zeit für Verschwörungen
Bild/Illu/Video: Marcus Duff / cascadas

Q&W: Keine Zeit für Verschwörungen

Empfohlene Artikel