Si isch mini erschti Liabi und si wird au mini letschti si.
So viil hani ira z verdanka - wüsst nid wiiter ohni si.

Si macht us Fremda Fründa, bedüütet miar so viil.
Iri Mission isch Liabi - si isch no lang nid am Ziil.
Si motiviert mi immer wieder - riisst Grenza ih.

Si isch d’Macht, wo alles schafft - das nid nur für mi.

Hesch du es biz Verstand, gisch ihra a Chance.

Bisch mal in si verliabt, laht si di nia meh los.

Si schafft’s federliacht vo dinem Ghör unter d Huut.

Si macht süchtig wia nüt anders. Aber nia was kaputt.

Si isch dia Medizin, zum dina Wäg z entdecka.

Si isch für di dah, du muasch di nüma verstecka.

Wil bi ihra kasch du si, wia du’s immer hesch wella.

Si tröschtet di und lost zua, hesch ihra was z verzella.

Si bringt so viili dur dia Täg, voller Näbel und Räga.
Si isch kai Frau, kai Typ – Si isch dr Soundtrack vo dim Läba.

Musig isch z Bluat vo minem Härzschlag
und das vom erschta bis zum letschta Tag.
Dr Soundtrack vo mim Läba – i teil na gära mit diar.
Musig isch z verbindenda Element zwüscha diar und miar.