10 Maramber 10 Wilson 10 Hendrik Freischlader
«Härzschlag»
Bild/Illu/Video: Sandra Peters

«Härzschlag»

So lang hani mit gfrogt, was das alles nützt,

uf dr Jagd noch Gäld und ma Engel wo mi bschützt.

Striit azättelet und allna uf d Füass gstanda.

Energie verschwendet und wieder vo vorna agfanga.

Statt d Signal richtig z düüta, bin i zmitzt ins Messer gloffa.

Angscht ka vor dr Zuakunft und im Kummer fascht ersoffa.

Gmeint i müassis allna bewiisa, ohni en Grund drfür z ha.

Hoch gfloga und tüüf gheit, immer schön am Räga no.


Doch etz fühlt sichs grad so ah, als kriegi dia Fessla endlich los.
I kann z Negativa hinter miar lah, wil d Vorfreud uf di isch so gross.


Sit dis Härz schloht, weiss i was würklich zählt.

Du gisch miar Hoffnig zrugg, wo so lang hät gfählt.

Du machsch dr Unterschied, bringsch Farb ins Spiil.

I bin dä, wo für immer bliibt und etz endlich am Ziil.

Z Läba isch en Achterbahn, Erfolg isch wia a Grippa.

Eimal bisch ganz oba, spöter ganz noch ar Klippa.

Doch am Schluss hed alles sina Sinn und alles gaht uf.

Miar isch es Wunder passiert, wo i’s grad dringend han bruucht.

Mini wichtigscht Ufgab isch etz diar dr Rugga z stärka.
Für mini Familia dah si und an üsera Zuakunft wärcha.

Du gisch miar Halt und alles andera isch mr glii.

Sit si di unter ihrem Härz treit, spielt z Läba a süassi Melodie.

Themenverwandte Artikel

«Schwimmer»
Bild/Illu/Video: Christian Imhof

«Schwimmer»

«Flugmodus»
Bild/Illu/Video: Christian Imhof

«Flugmodus»

Empfohlene Artikel