«Unter Wasser»
Bild/Illu/Video: zVg.

«Unter Wasser»

Du hesch mi eifach stahlah im unpassendschta Moment.

Denn woni di bruucht hed, tuasch, als ob ma sich nid kennt.
I bin immer gsprunga, wenn du mini Hilf hesch wella.
Üsri Fründschaft isch uf Iis gleit, dah kasch etz druf zähla.
Etz bin i nur no am Springa, muass schnell Lösiga finda.
Total sinnlos im Stress und kör langsam Stimma,
wo mi frogend, wieso i miar dia ganzi Müah no mach,
inklusive Chrüsimüsi am Tag und Schlaflosigkeit ir Nacht.

Fründa kömmend und gönnd, bisch arm oder riich.
Au wenni grad gära kälter wär, enttüscht bini gliich.
I bin immer no schlächt mit minera Menschakenntnis.
Und träga Narba in miar vom engem grossa Bschiss.

Doch es kunnd de Moment, wo i miar wieder Ziit für mi nimm.

Dr ganzi Ärger vergessa und eifach mal chill.

I gahn etz go schwimma und nimma z Läba nid pressant.
Sus kummi no z spinna, viiles isch nid würklich relevant.


I tauch etz endlich ganz tüüf in das Wasser ih.
Dr ganzi Lärm wird so liislig und Problem so kli.
Nüt kann miar dah weh tua, i gsehns plötzlich klar.
Alles halb so wild, unter Wasser isch z Läba wunderbar.


Und zack, bin i wieder im Schuss und han a riessa Puff.
So viil Büaz im Hintergrund, i kumma nüma drus.
Regelmässig stossi mit mina Tröim an di eigeta Grenza.
Arbet stappelt sich wiiter, genau wia d Pendenza.
Ma kann nid immer uf zwei Hochziita tanza.
Früahner oder spöter flüügsch uf da Ranza.

Han z Gfühl i müassi immer vorna derbi si.
Vergissa aber in so viilna Moment a bizli d Ziit für mi.
Wieder en Termin döt und en neua Song dah.
I lächla in d Kamera, obwohl i im Räga stah.
I frog mi scho biz, ob i das würklich so han wella.
Aber the show must go on, was sölli no verzella?

Doch es kunnd de Moment, wo i miar wieder Ziit für mi nimm.

Dr ganzi Ärger vergessa und eifach mal chill.

I gahn etz go schwimma und nimma z Läba nid pressant.
Sus kummi no z spinna, viiles isch nid würklich relevant.

Themenverwandte Artikel

«Liicht»
Bild/Illu/Video: Sandra Peters

«Liicht»

Q&W: Die Liga der wertschätzenden Gentlemen
Bild/Illu/Video: Christian Imhof

Q&W: Die Liga der wertschätzenden Gentlemen

Empfohlene Artikel