10 Maramber 10 George 10 Lange Nacht der Museun
«Kompass»
Bild/Illu/Video: Ole Witt

«Kompass»

Kumm, i bring dä ganz Plunder etz ins Brockahuus.
Da ina kama ja nüma schnuufa und es gseht schitter us.
All dia Büacher wo i kauft han und denn gliich nid glässa.
All dia CDs, wo i kauft han und denn im Regal vergässa.
All das Züg bedütet nüt. I will, dass du glücklich bisch.
All das Züg isch für nüt. Wenn du in minem Arm liisch.

Bini au viil unterwegs - mini Sehnsucht noch diar isch grenzalos.
Kannis ab und zua au nid zeiga - jeda Moment mit diar isch so ziitlos.

Das zwüscha üs isch alles - alles was zählt.
I werdas nid vergässa, au wenn diar mini Wärmi fählt.
Du bisch mini Wohlfühloasa und z gröschta Gschenk.
Dini Liabi isch min Kompass, wo mi immer in richtig Glück lenkt.

Kumm, miar kündend üsi Wohnig und wandernd eifach us.
I bruch ums Muul kai Honig und Konsum bringt nu Blues.
Immer wieder go schaffa und spara für Rächniga und Stüüra.
Miar machend üs doch nu zu Affa ohni üs selber z fühla.
Dia spinnend doch dia Lüt immer am Geld nohsekla.
Fascht so als gäbis dah nüt im Läba sus no z entdecka.

Ab und zua ischs wia verhext und d Ziit mit diar so knapp bemässa.
Doch bi all dena Lüt und em Gschwätz hani mini Gfühl für di nia vergässa.

Themenverwandte Artikel

«Schwimmer»
Bild/Illu/Video: Christian Imhof

«Schwimmer»

«Flugmodus»
Bild/Illu/Video: Christian Imhof

«Flugmodus»

Empfohlene Artikel