10 Hendrik Freischlader 10 Wilson 10
Bluesclub
Verdussna
Bild/Illu/Video: Christian Imhof

Verdussna

I mach mr kai Gedanka zu mora.
Hani au hüt scho viil um d Ohra.
Bini au am Glänza bim Thema Pendenza.
Haltet sich mini Motivation in Grenza.

Was du hüt scho kasch bsorga.
Das langet locker au no mora Morga.
I ghör si scho dia Melodie vom Wind.
Und fühla mi wieder frei wia a Kind.


Lüt miar etz bitte nüma ah.
I gahn nämli sicher nid dra.
I hoffa, du kasch mi verstah.
I gahn etz grad ar Sunna nah.


I mach mr kai Gedanka zu mora.
Für das nine to five bin i nid gebora.
Oh Erwachsanazügs kömmers nid verschiaba?
Wil i z echta Läba und d Berga liaba.


I bruuchs etz richtig min Akku ufzlada.
Dä Stress zücht mi z fescht aba.
Drum machi hüt mal eifach nüt
und überlahn dr Rescht da andera Lüt.

Hüt bini verdussna und nimm mr Ziit für mi.
Und all dia Problemli sind miar hüt so glii.
A liaba Gruass, wenn mi öpert suacht.
Doch hüt hani wieder mal Flugmodus buacht.

Themenverwandte Artikel

Prättigau
Bild/Illu/Video: Christian Imhof

Prättigau

Empfohlene Artikel